استعادة كلمة المرور تنشيط العضوية طلب رقم التفعيل التسجيل البحث مشاركات اليوم اجعل كافة الأقسام مقروءة


 

العودة   منتديات تكنو فور كوم || TECHNO4COM FORUMS > :: الاقســــام العامـــــة :: > الركـــن العــــــام
هل نسيت كلمة المرور؟
الملاحظات
الركـــن العــــــام من هنا وهناك .. عصارة فكر وطرح عام لـ/ شتى المواضيع


سرقت سيارتي من الوكالة ...!!

الركـــن العــــــام


إضافة رد
 
أدوات الموضوع انواع عرض الموضوع
قديم 07-24-2010, 05:49 PM   رقم المشاركة : [1]
CLassiC
:: شخصيـﮧ هامـﮧ ::

 الصورة الرمزية CLassiC
 




 

مركز رفع الصور والملفات

افتراضي سرقت سيارتي من الوكالة ...!!


منقول

السلام عليكم
هاذة قصتي انا كــل الـحــكــايـة... إشـتقــتلك


ولكم كامل قصتي بالصور
مشت سيارتي 25000 كلم دخلت سيارتي الأكورد اللؤلؤي موديل 2009
لوكالة هوندا لصيانة الدورية زي العادة كل 5000 كلم لغيار الزيت
وطلبت منهم التشييك على المكيف لأن التبريد فيه ضعيف
ويوم ادخلها للوكالة كان يوم السبت 12/6/2010
وقالو لي بكرة الساعة 4:30 العصر استلمها
وهاذي صورها قبل السرقة

سرقت سيارتي الوكالة ...!!

سرقت سيارتي الوكالة ...!!
هاذي صور قبل السرقة بـ 3 أو 4 شهور

ودقو على من بكرة يوم الاحد الساعة 11:45 الظهر

وقالو: سيارتك سرقت من الوكالة ؟!
وما صدقت ولا همني كلامهم وقفلت بوجه الي دق علي احسبة يستهبل
وعودو الاتصال علي مرتين ولا صدقتهم واقفل
ودق علي الساعة 2:00 الظهر مدير عندهم ما أدري وش كان اسمه يأكد لي سرقة السيارة
وأنا في الطريق لهم ماني مستوعب إلي صار !!
معقوله تسرق سيارة من الوكالة ؟؟
ووصلت ولقيتهم محتاسين ووروني خطاب إلي أرسلوه لشرطة وشرح عليه الضابط
لابد من حضور صاحب السيارة
وقالو الوكالة: إن الشرطة تبغاك إنت إلي تبلغ لأن السيارة بإسمك ..
وقال لي مدير الصيانة: ما تهتم ولا تشغل بالك ومارح تطلع من عندنا الا وانت مبسوط
واحنى بنستاجر لك سيارة لين ماتستلم سيارتك واحنى واحنى ومن هالكلام
بس ما همني كلامه .. لاني عارف إنه كذب
وكنت مستعجب كيف سرقت من بين كل هالموظفين !!
وسألته: كيف سرقت السيارة ؟؟
قال: إن السيارة كانت جاهزة لتسليم بس باقي التشييك النهائي
وأخذها المهندس بيطلع فيها يشيك عليها وكان فيه واحد اسود سكران عند بوابة الخروج واقف
ويوم جات بتطلع السيارة جاء بيركب مع المهندس وحاول يركب
ويقول للمهنس إن هاذي سيارة ولد خالي وبركب معك نشيك عليها سوى
وأبعدة حارس الأمن إلي عند بوابة الخروج عن بالسيارة وطلع المهندس بالسيارة
وإهو راجع حاول يركب السيارة مرة ثانية مع المهندس عند بوابة الدخول ورفض المهندس
وأبعدة حارس الأمن مرة ثانية عند بوابة الخروج وخلوة ما طردوة خارج الوكالة !!
ودخل المهندس السيارة للورشة إلي ممنوع أحد يدخلها إلا الموضفين
مع إن بوابتها خربانة ومشرعة !!

وهاذي صور بوابات الورشة
سرقت سيارتي الوكالة ...!!
سرقت سيارتي الوكالة ...!!
وهاذي بوابة الورشة لدخول والخروج شوفو كيف مشرعة


ووقف المهندس السيارة ودخل للإستقبال يسلم أوراق السيارة
وخلى المفتاح على السيارة ودخل هالسكران في الورشة وأخذ السيارة وإنحاش فيها
وسألت مدير الصيانة: ليه مخلين المفتاح على السيارة ؟؟
قال: لأن كل سيارة تدخل الورشة لازم يكون عليها المفتاح
عشان لو شب حريق نقدر نطلع السيارات !!
سرقت سيارتي الوكالة ...!!
هنا كانت موقفة السيارة دخل الورش وعليها المفتاح وسرقها من هنا

شوفو قد إيش كانت قريبة من كل الموضفين والمكانيكيين ولا أحد وقفة أوقاومة
شوف كل هاذا التسيب والإهمال ...
وكيف يخلون واحد سكران يدخل في الوكالة ويتجول في كل ماكان حتى لو كان عميل
المفروض يمسكونة ويتصلون بالشرطة وتاخذة ...
بس لاحياه لمن تنادي

وهاذي الصور من داخل صيانة الوكالة

هاذي بوابة الدخول الي طلع معاه الي سرق السيارة بالسيارة
سرقت سيارتي الوكالة ...!!
وش رايكم في وسائل الأمان !!

سرقت سيارتي الوكالة ...!!
هاذي بوابة الدخول للورشة الي طلع معاه ومعاه السيارة
شوفو كيف مشرعة وأي واحد يقدر يدخل مع العلم أن كل السيارة موجود داخل عليها مفاتيحها



وبعدها رحت لشرطة مع مندوب لهم
وقالي الضابط في التحقيق: من تتهم في سرقة السيارة ؟؟
قلت: أتهم الوكالة
وقال الضابط: وش مطالبك من الوكالة ؟؟
قلت: أبغى تعويض عن سيارتي المسروقة
وأبغى يستاجرون لي الوكالة سيارة لين ما تنتهي القضية
وبعدها جيت للوكالة وجات معي الشرطة لتصوير وسألو مدير الصيانة: وين الكميرات ؟؟
قال مدير الصيانة: مافية ...!!
قال الضابط: وليه البوابات ما تتقفل ؟؟
قال مدير الصيانة: خربانة ...!!
وسأل الضابط حارس الامن: ليه ما قومت الي سرق السيارة ؟؟
قال حارس الأمن: البوابة لها شهرين خربان ولحيت عليهم وماردو علي ...!!
وقالي مدير الصيانة: رح الأن إستاجر سيارة في حدود 150 ريال في اليوم بإسمك
وكل إسبوع أو عشرة أيام تجي وتجيب فاتورة ونعطيك حقها ..
قلت له: لا إستجروها بإسمكم
ورفض وقال: لازم تكون بيننا ثقة !!!!!!!!!!!!!!!!!
وإستأجرت سيارة بإسمي
ومن بكرة الأثنين الظهر الساعة وحدة الظهر دقو شرطة الملز
قالو: لقينا السيارة وتعال إستلمها
رفضت أستلمها لأن السيارة ما سرقت مني سرقت من الوكالة
والوكالة إهي إلي تستلمها لأني أنتظرالتعويض ما أنتظر السيارة المسروقة
لأنها ما تلزمني بأي شي ورحت لشرطة الملز عشان أصورها

وهاذي الصور
سرقت سيارتي الوكالة ...!!

سرقت سيارتي الوكالة ...!!


سرقت سيارتي الوكالة ...!!

سرقت سيارتي الوكالة ...!!
سرقت سيارتي الوكالة ...!!

لوتلاحض ان الكفر ماييل لانها جيتها ضربة قوية من تحت وأخلت توازن السيارة


سرقت سيارتي الوكالة ...!!


سرقت سيارتي الوكالة ...!!


وبعدها قالو لي الوكالة: إحنى نصلحها ونرجعها كما كانت
وقلت لهم: أنا ما عندي مشكله وبريحكم أكثر أعطوني السيارة زي ماهي
وشوفو كم تكلف وأعطوني تكلوفتها ووافقو ...
وبعدها رحت الشرطه عشان آخذ أوراق إستلام السيارة
وأعطوني أوراق لتقديرات الحوادث مع أن السيارة مسروقة !!
ولاني أنا مالك السيارة ما يستلمها الا مالك السيارة فقط
وما قصرو الوكالة أرسلو سطحتهم معي لحجزالسيارات بوادي لبن
ودخلت السيارة عند الوكالة ..
وقال مدير الصيانة: إحنى بنشوف كم تكلف ونرد عليك ..
ووعدوني بالرد علي بعد 3 أيام ولا ردو علي إلا بعد إسبوع
ورحت لمدير المنطقة الوسطى وقال: إن السيارة تكلفه إصلحها 65000 ريال !!
وإهي الأن تعتبر تالفة
وفي هاذا الوضع بنعطيك سيارة جديدة موديل 2010 بنفس المواصفات ..
بس بشرط إنك تدفع الفرق 25000 ريال ورفضت عرضهم بسبب الفرق
وجلست معاه إسبوع وأنا أدوم عندهم يومياً أحاول فيه إنهم ينزلون من 25000 ريال
وبطلعة الروح نزلو الى 20000 ريال وحاولت تنزل اكثر بس رفض
وبعدها إستشرت قاضي قالي: وضعهم قانوني
ولو حولتها لشرع ومارح تستفيد إلا إنك تضيع وقتك وبس
بعدها رضيت بالأمر الواقع ومثل ما تشوفون بالصور سيارتي لونها لؤلؤي
حاول فيني مدير المنطقة الوسطى إني ما أخذ اللؤلؤي ورفضت وأصريت على اللؤلؤي
لأن هاذا اللون إهو الدرج والمرغوب في البيع ولأن نفسي طابت من السيارة
بسبب معاملتهم السيئة لي وباقي الألوان كلها قبيحة
وبعدها قال لي مدير المنطقة الوسطى: إن هاذا اللون بيجي في يوم 25/7/2010
يعني بعد شهر
قلت: عادي أنتظر
وبعدها بيومين إتصل علي سكرتير مدير المنطقة الوسطى
وقال: ترى فلوس إيجار السيارة إلي معاك كله من يوم صارت المشكله ترى عليك
ورحت لمديرالمنطقة الوسطى وحاولت أعرف منه السالفة
قال: خذ أي لون وإلا ترى السيارة إلي بتجي بعد شهر اللؤلؤية
بنزيد عليها 24000 ريال مو 20000 ريال + فلوس سيارة الإيجار إلي أخذتها مننا
وحاولت فيه ورفض وأخر شي رضخت للأمر الواقع
تنازلت عن سيارتي المسروقة للوكالة ودفعت لهم 20000 ريال
وأعطوني سيارة جديدة وحاولت أطلعها بالبطاقة الجمركية رفض مدير المبيعات
وقالو: لا لازم بالوحات
وأنا بأخذها بالبطاقه الجمركية عشان يزيد سعرها بالمعارض
ورحت للمرور وطلعت لها لوحات ورفضو إلا تركب اللوحات وأنا بأخذها بسطحة
والمرور يسمح إنها تطلع من دون لوحات إذا كانت السيارة بتطلع على سطحة
وركبو اللوحات وركبوها بالسطحة وبعتها والحمد لله
ورحت بأخذ صورة من مبايعة السيارة المسروقة من المعرض
إلي صارت عندة نقل الملكية السيارة المسروقة
وقالي المعرض: إن السيارة ما جبتها الوكالة لهم
وإن الوكالة متراخية في الموضوع ولا شالت له أهمية
مع إن هاذا يضر المعرض لأن ما تنقل ملكية أي سيارة إلا لازم توقف في المعرض
وإذا ما وقفت يغرم المرور المعرض 40000 ريال
وهددت المعرض إني بشتكي المعرض المرور
وقلت له: بجي بكرة ما ألقى المبايعة جاهزة بشتكي للمرور
وجيت من بكرة وشفت المبايعة وكاتبو السيارة بإسم سكرتير مدير عام المنطقة الوسطى بالوكالة >






svrj sdhvjd lk hg,;hgm >>>!!








من مواضيع CLassiC
توقيع CLassiC
 
أحد يقدر يجي جنبي


CLassiC غير متواجد حالياً   رد مع اقتباس
قديم 07-24-2010, 11:56 PM   رقم المشاركة : [2]
^Abu Turky^
:: الرقابــة ::
:: فريق حل مشاكل الكمبيوتر ::

 الصورة الرمزية ^Abu Turky^
 




 

مركز رفع الصور والملفات

افتراضي رد: سرقت سيارتي من الوكالة ...!!

من أول وأنا ماني مقتنع بوكلاء السيارات اللي عندنا كلهم خياس في خياس
خذلك مستعمل وريح بالك خخخخ
من مواضيع ^Abu Turky^
توقيع ^Abu Turky^
 


[gdwl] ســاهم معــنا وضـــــع بصمتك [/gdwl]
^Abu Turky^ غير متواجد حالياً   رد مع اقتباس
إضافة رد

مواقع النشر (المفضلة)

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الإعلانات النصية

مركز تحميل الصور:




الساعة الآن 06:57 PM الساعة معتمدة بتوقيت جرينتش +3


Powered by vBulletin® Copyright ©2000 - 2017, Jelsoft Enterprises Ltd. Upgrade & Development By TECHNO4COM

الموقع غير مسؤول عن أي اتفاق تجاري أو تعاوني
فعلى كل شخص تحمل مسئولية نفسه إتجاه مايقوم به من اتفاق تجاري
التعليقات المنشورة لا تعبر عن رأي إدارة ومُلاك شبكة تكنو فور كوم ولا نتحمل أي مسؤولية قانونية حيال ذلك (ويتحمل كاتبها مسؤولية النشر)


Protected by CBACK.de CrackerTracker

McAfee Secure sites help keep you safe from identity theft, credit card fraud, spyware, spam, viruses and online scams

Add to Windows Live Rojo RSS reader iPing-it Add to Feedage RSS Alerts Add To Fwicki Add to RSS Web Reader Add to Feedage.com Groups Add to NewsBurst Subscribe in NewsGator Online Add to Netvibes

Preview on Feedage: -%D9%85%D9%86%D8%AA%D8%AF%D9%8A%D8%A7%D8%AA-%D8%AA%D9%83%D9%86%D9%88-%D9%81%D9%88%D8%B1-%D9%83%D9%88%D9%85-Add to My Yahoo! Add to Google! Subscribe in Bloglines Add to Alesti RSS Reader Add to MSN Add to AOL! Add to meta RSS Add to Windows Live