عرض مشاركة واحدة
قديم 12-07-2008, 10:47 PM   رقم المشاركة : [5]
^Abu Turky^
:: الرقابــة ::
:: فريق حل مشاكل الكمبيوتر ::

 الصورة الرمزية ^Abu Turky^
 




 

مركز رفع الصور والملفات

3 رد: يـــــوم فــــــي حياة عضـــــو أو مشرف و اداري

مدري بداية وش أقول شكلي مامني مهرب .. وراي وراي فيونكة ... المهم اني يالله قضيت للعيد من زحمة الشوارع كل ما افتك من زحمة ادخل بين الحواري واطلع منها وادخل في زحمة
وزحمة الدنيا زحمة ... يالله بلا مقدمات طويلة ونخش في الموضوع وبسم الله نبدأ
ونكتب بأقلامنا الرصاص والأزرق ....>> قدييييييييم
وابدا من الصباح ولا المساء ممممم خلينا لما نصحا ونروق عالصبح الساعة 8 واطلع عالبوفية اللي قدام بيتنا ويالله عالسندويتشات بيض مقلي وعصير ربيع وهذا وندز يعني نمشي .. كلمة حواري .. خخخ عالدوام وماشاء الله على زحمة الرياض كل واحد في عينه كيس نوم ويالله يشوفك تلقاه يخش عليك ويحدك ولا هو داري مثل اللي صار معي قبل كم يوم .... اروح يمين واللي قدامي مسكر علي ويروح يمين واروح يسار ويروح يسار واللي وراي معصب علي يحسبني انا اللي اسكر عليه .. المهم بعد ما عديته شوي جاء اللي وراي جنبي وعصب ويقول انت ما تشوف .,, انت ما تعرف تسوق ... ناظرت فيه وعيونه تبقبق من السهر وقلة النوم ,,, وقلتله اذا تبيني أعلمك أعلمك ... انت شكلك ما تشوف اللي قدامي ايش كان يسوي ..قعد شوي يفكر وكأنه حس بغلطته ومشى
المهم .... بعد كذا امشي للدوام في المحل .. وأشوف وأدور حلول لمشاكل الأجهزة وأصلحهها شغلة تفقع المرارة بس تعودت وصرت أستمتع بشغلتي لين الظهر ثم ارجع للقيلولة ساعة ثم غدا من الوالدة الكريمة الله يطول في عمرها ... اشي محشي واشي مظبي واشي يحبه قلبك ,,,, للعلم الوالدة في الطبخ لا يعلى عليها ..>>> خلاص عرفنا انك تحب امك

يا الله يالله خلص القلم الرصاص نغيره للأزرق >> ماعنده براية ..آخ ياقدمك
بعد العصر اروح للدوام مرة ثانية وطبعا شغلتي استقبل فيها الزباين واصلح أجهزتهم وكون السوق عائلي >>> اخس يافلسفة
فانا استقبل الزباين من كل الأعمار شباب وشيبان وصبايا و ووو ..لذا أستمتع بالسواليف احيانا معهم ... واكسر هم الشغل والروتين واحس ان الوقت يمر بسرعة واول ما أوصل أحمي دمي بشاي ساخن بداية للعمل ... واستمر في البحث عن الحلول في النت وغيره واصلح الأجهزة واذا احه .. احه ... وقت مني ولا مني احاول اخش المنتدى زي الحين اللي قاعد اكتب الموضوع ساعة كل مافضيت خشيت وشيكت عالمنتدى الغالي علي لأني ما عندي وقت لمنتديات اخرى ...عشان حبايبنا اللي هنا ويستاهلون كل خير ..احم خلاص وبعدين ... للللللللللين نهاية الدوام الساعة 11 ليلا اروح اطلع بسيارتي او مع الشباب ونتعشى في مطاعم الوجبات الخفيفة من شاورما وصاروخ وجامبو والخ والخ ويازين الشباب دايما يطلبون مني اقترح لهم مطعم ...>>> مسوي خبرة هالمفجوع
بعد هيكا .. بروح أمر على بنده أو اي محل أجيب اغراض وطلبات الوالدة العزيزة وكم شغلة لي وبعدها ادهر يعني استلم الجهاز في البيت وكم طقطقة عن النت واذا كنت فاضي مثلا عندي اجازة ليلة الخميس العب فوتبول وبعدها ارجع و أتفرج على كم موفي .. للعلم أنا مدمن أفلام للأسف .. وماخذ وقتي بس ايش اسوي عشان اصفي ذهني واغير جوي .. واواصل للفجر و كل ما اشوف وقت اخش المنتدى واشيك عالمواضيع وكذا يا طوووووووويلين العمر أكون خلصت يومي ... سمعونا كيف يومكم ..
يالله دور مين الحين انا ارشح فايروو



من مواضيع ^Abu Turky^
توقيع ^Abu Turky^
 


[gdwl] ســاهم معــنا وضـــــع بصمتك [/gdwl]

التعديل الأخير تم بواسطة ^Abu Turky^ ; 12-08-2008 الساعة 05:05 AM.
^Abu Turky^ غير متواجد حالياً   رد مع اقتباس