عرض مشاركة واحدة
قديم 10-26-2008, 02:21 AM   رقم المشاركة : [5]
فيونكـــهـ ورديـــهـ
:: لها صوت مسموع بالعامة ::

 الصورة الرمزية فيونكـــهـ ورديـــهـ
 





 

مركز رفع الصور والملفات

افتراضي رد: سعودي وزوجته زاروا الكويت لأول مره هذا انطباعهم مع الصور











المهم طلعنا من الأكوا بارك الى الفندق وقبلها الى ( كرسبي دوناااااات )وحملنا اغراضنا وعلى طول للمطار عشان نلحق على رحلتنا للرياض ..وفعلا توجهنا للمطار وفي طريقنا كنا ننظر بشغف ووله الى شوارع الكويت وأحياء الكويت وعماير الكويت ونردد في داخلنا ( راجعين لك الله لا يعوقنا بشر) وفعلا وصلنا المطار وتوجهنا للبوابه وكنا انا وزوجتي نطالع بعض وعلامات الحزن والحسافه على وجيهنا ( موسيقى حزينه )...ما ادري ليش ؟؟؟يمكن عشان قصر المده ؟؟؟يمكن عشان الراحه الي حسينا فيها بالكويت ؟؟بصراحه مالقيت اجابه لسؤالي ....ختاما بذكر الأيجابيات والسلبيات (( وهي تمثل وجهة نظري أنا ووجهة نظر زوجتي فقط ))

#الأيجابيات في الكويت بإختصار:--

1- الشعب .... الشعب .... الشعب .. بصراحه الغالبيه ناس راقين ومثقفين...وتحس فيهم طيبة المعشر
وحبهم لنا كخليجيين وقد تسمع عبارات الثناء للسعوديه ولحكامها وأهلها في اي موقف يعرف فيه
الكويتي هويتك...تقول لي مرتي يوم درت اني اكتب الموضوع اكتب يتميز اهل الكويت بالذرابه .
2- كما سبق وذكرت ( تتميز الكويت بقلة الأزدحام مقارنه بدول الخليج الأخرى) وأعتقد ان السبب الرئيسي ... النظام الصارم المطبق في الكويت .
3- تتميز اسواق الكويت ( بالنوع ) وليس الكم !! بمعنى آخر ان الأسواق ليست كبيره بس عندهم بضايع مميزه .. ويتضح فيها الذوق العالي لنوعية المتسوقين .

# السلبيات :--

- بصراحه مطار الكويت الدولي حليو ... بس مهوب على مستوى الكويت.. ويفترض انه يكون أفخم وأفضل من هذا خصوصا اذا علمنا ان الكويت لديها امكانيات كبيره ومطار واحد ( يعني هالمطار الوحيد لازم يكون قمه وتحفه لأنه واجهة البلد ).
2-احس فيه تقصير من تجار الكويت في بناء الأماكن الترفيهيه والمجمعات السكنيه خصوصا إذا علمنا ان معظم اسواق وعماير دبي ( يساهم فيها بنسب كبيره تجار كويتيين ).

بس هذا الي عندي وأتمنى اني أكون نقلت صوره مبسطه عن جولة يومين في الكويت

المواطن السعودي .... سبهللي
من مواضيع فيونكـــهـ ورديـــهـ
فيونكـــهـ ورديـــهـ غير متواجد حالياً   رد مع اقتباس