عرض مشاركة واحدة
قديم 11-24-2010, 07:22 PM   رقم المشاركة : [1]
^Abu Turky^
:: الرقابــة ::
:: فريق حل مشاكل الكمبيوتر ::

 الصورة الرمزية ^Abu Turky^
 




 

مركز رفع الصور والملفات

Lightbulb خطوات بسيطة لحماية جهازك ..للفائدة



السلآم عليكم ..

آعزآئي الاعضـآء ..هذه خطوات بسيطة وأساسية لحماية جهازك

العامل المشترك اللي يجمع هالمشاكل اللي حلت على اجهزة البعض هي التهاون في مجال الحماية ..
وبعضهم من زود الثقة بالنفس يقول لنفسه يارجال ماجايني شي ...
او ان الواحد يخلي جهازه مستودع بالملفات الزايده ولا كلف نفسه ينظف جهازه من الملفات ..

بعدها يجي اخينا او اختنا في الله و يدوور حل ..



(هذي بعض النماذج)


- جهازي بطييييي مرة ..
- ضهور شاشة سوداء مع بداية بدأ التشغيل .. او شاشة زرقاء اثناء العمل ..
- صفحة البداية اختطفتها احد ملفات التجسس ونشبت فيها ..
- او مجلد المشاركة اختفى مدري وين راح .. اطلعه ويختفي .
- رسالة خطأ تضهر بالاكسبلورر .. << مآ يقصد نآزف .. هع
- كمبيوتري يعلق فجأة ..
- كمبيوتري يطفي فجأة ..



هذي نماذج من المشاكل اللي تواجه كثييييير من الاعضآء هنا و مستخدمين الكمبيوتر بشكل عام
وغيرها الكثيييير ,, (وحل كل هالمشاكل ان شاء الله باتباع خطواتٍ سبع ,, تشوفونها تحت )


والبعض يقول " انا ماني داخل مواقع مشبوهه او ماني متلقف ومحملن ملف مدري وشو "

وهو مايدري انه داخل عالم الانترنت .. عالم زي الحياة وسط البحار .. الكبير ياكل الصغير
حيث هنا بالنت القوي والخبيث اللي مايخاف الله .. يايخترق اجهزة البعض , او يرسل لها
ملفات ضارة .. والملفات الضارة ياأنها تحوس جهازه او تسرق منه ... اهم شي يعني يخرب

وانت ماتدري الا هي جايتك .. وشلون الله واعلم ..!!

احياناً بطرق ماتتوقعها , فكما برامج الحماية شغالة ليل نهار لحماية اجهزتنا من الملفات الضارة ,,
فلصوص النت بعد هم شغالين بإكتشاف طرق جديدة وغير متوقعة لمستخدم النت ..
- من حيث نوعية الملف, والمطلوب منه لا دخل الجهاز , وطريقة ادخاله للجهاز بخلسة وطرق خبيثة


.
.
----------

تجربة من الواقع :


فمثلاً بعض الاخوان مايعرفون من النت الا الاسهم وبرامجها ومنتدياتها بس

فهم مثلهم مثل كثير غيرهم يقولون ماراح تجينا فيروسات وحنا ماندخل الا مواقع بنوك وبرنامج مباشر وهذولي عليهن
حماية قوية من المصدر وتبي يالغة ونجي حنا ووجيهنا وتبينا نحط برامج حماية , مالها داعي يالخبل ..
توكل بس ومانبي برامجك اللي مزعجنا بها .. قال حماية قال

تخيلوا بعد شهر ناداني احدهم (من المعارضين بشدة )
وقالي جهازي بطييي ء وماينفذ الاوامر بسرعة ويعلق وش الحل ؟

قلت وخر .. سويت بحث ببرنامجه الانتي فايروس (اللي ماحدثه من زماااان وحاذفه من قائمة بدأ التشغيل
ولقيت فيه اكثر من 100 فايروس
هذا من غير الملفات التجسسية , وملفات الانترنت المؤقته اللي مايهتم بتنضيفها بين كل فترة وفترة)

شفتوا كيف الملفات الضارة تدخل جهازك حتى لو كنت محافظ ولاتدخل الا المواقع النظيفة ..!!

--

الزبدهـ كن واثق انك ماراح تكون بمأمن عن الملفات الخبيثة مادامك تدخل النت اذا ماهتميت بحماية جهازك..



<< كآنهـ قآم يهذري عليكم .. خطوات بسيطة لحماية جهازك ..للفائدة


وعشان تروح هالمشاكل ,, او نقول تتجنب هالمشاكل ,, ..


اتبع الخطوات البسيطة التالية ..



اولاً :


تنظيف القرص الصلب ..




أول شي لازم تسويه مستخدم الكمبيوتر سواء كان جهازك طيارة وسريع او مخجم ورايح فيها
سو للقرص الصلب تنظيف ,,, وذلك عن طريق كتابة الامر cleanmgr :: ابدأ ثم تشغيل
- أو عن طريق احد البرامج المتخصصه بذلك وهي كثيرررة وهذا واحد من اقواها



للتحميل من هوون

السيريل

اقتباس:
washer
على فكرة (البرامج اكثر احترافية واكثر شمولية من اداة الوندوز) ..


فائدته :


كل ماندخل موقع نت , المتصفح يحفظ كل صفحة تزورها , وكلمات السر يخزنها ,
وفيه بعض الملفات متفرقة , وبعضها زايدة , وبعضها مكررة .. والبرامج اللي زي كذا
تمسح كل هذا من جهازك وتخليه اسرع من اول وراح تلاحظ الفرق ..
(وراح تحللك كثير من رسائل الخطأ والتهنيق اللي تواجهها اثناء استخدامك متصفح الاكسبلورر)


ثانياً :


فحص جهازك ببرنامج مكافح الفيروسات ..




اغلب الاعضآء عندهم الانتي فايروس ..
اهم شيء ببرنامج مضاد الفيروسات انه يكون فعال المفتاح حقه
عشان تقدر تحدث .. لإن التحديث اهم شيء بالنسبة للمضاد
وكذلك تتفعيل خاصية real time protection
يعني تخلي البرنامج موجود ومصحصح اثناء العمل ,,
وفيه البعض محملين نسخة internet security (الحماية الكاملة)
صحيح انها اكثر سمولية
بس صدقوني النسخة اللي تكون انتي فايروس احسن .. ليش؟؟

لإنها اخف على الجهاز من الكامل وتقوم تقريباً بنفس الدور ماعدا الجدار الناري ,,
الا اذا جهازك مواصفاته قوية جدا انت خذ الكامل ..


ثالثاً :


تحميل جدار ناري ..





فائدته :

عشان تحمي كمبيوترك من خطر الهكرز والمتطفلين .. لابد من وجود جدار ناري بجهازك
اذا مضاد الفيروسات اللي عندك مدمج معه جدار ناري ..

ماهو مدمج معه

حمل هالخفيف والقوي

للتحميل من هون


السيريل ..

اقتباس:
34432559J55Z055E014922742

رابعاً :


فحص جهازك بمضاد ملفات التجسس ..




مثله مثل مضاد الفيروسات . لازم يكون بجهازك واحد من هالبرامج , عشان تحمي جهازك

من هالملفات اللي تحوس الجهاز حوس ,,

وانا انصحكم بهالبرنامج (من اقوى مكافحات ملفات التجسس)


للتحميل من هون


مضاد فيروسات وجدار ناري ومكافح ملفات تجسس ..


خامساً :


الغاء تجزأة القرص الصلب ..





فائدته :

لما تنصب برنامج وتحذف برنامج وتنزل ملف وتحذف ملف ..

وش بيصير مكانه ؟؟

حوسة وقرف ومخربين المكان والمساحة اللي هم جالسين فيها اول ..
هالاداة تجي وتمسح وتزين وتصفصف مكان الملفات المحذوفة ..
والنتيجة :: ملفات مرتبة .. ومساحة زايدة لك بالقرص الصلب ..



سادساً :


حذف الملفات اللي بالمجلد prefetch

من ابدأ تشغيل ثم كتابة الامر اللي فوق .. وامسح ملف ملف الموجود .. اللي ماينمسح اتركه

الفائده :

اي برنامج تشغله بالجهاز الوندوز يتعرف عليه ويحطله مكان عشان اذا يتكره بسرعة
لاجيت تفتحه مره ثانية ,,, وهالشيء ماله داعي لإنه راح يستهلك عليك الكثير من الرام


سابعاً :

التقليل من البرامج اللي تشتغل مع بداية بدأ التشغيل

وذلك عن طريق ابدأ ثم كتابة الامر msconfig



الفائدة :

لما تفتح النافذة راح تشوف البرامج اللي تشتغل مع بداية بدأ التشغيل ,
بعضهن لهن فايدة مثل تطبيقات النظام وكذلك برامج الحماية ,,
فحاول انك تخفف من الموجود بقدر المستطاع خصوصاً عشان ماياكلن من الذاكرة الكثير


نتمنى من كل واحد فيكم يطبق هالخطوات السبع ..


-------------------------





نصيحة قبل النهاية
وشسمهـ يمدحون هالبرنآمج ..

NORTON GHOST



فائدته :


يعني لو صار بنظامك مشكلة عويصه وعجزت تحلها , اوفقدت احد التعاريف (الصوت -كرت الشبكة -كرت الشاشة)
او اي شي , تقدر عن طريق برنامج وخلاااااااااااال دقائق بس تقدر ترجع نظامك زي ماكان لما سويتله
نسخه احتياطية .. وراح تمتع بجهاز جديييييييد وخالي من المشاكل اللي صارتلك ..


و آخيراً ..

* تعتبر هاذي الطريقه من ابسط طرق الحمايه و سهلها ولكن للاسف اقل انتشارا و استخداما

حيث يمكنك انشاء حساب محدود Limited user
واستخدامه بدلاا من حساب مسؤول الكمبيوتر Administrator وذلك لمنع الفايروسات من تثبيت نفسها تلقائيا
من خلاال حساب مسؤول الكمبيوتر, وبنفس الوقت حطوا لحساب الادمننستريتور كلمة سر ضروري جدا
عشان الهكرز مايدخلون عن طريق , وانت متصل بالنت لاسمح الله ..

---------------------

وفي النهاية تأكد


*حماية الجهاز من اهم الاشياء التي يتم التفكير فيها بعد شراء الجهاز,ولكن للاسف لا يمكن حماية اي جهاز مهما كان......بس حنا لما قلنا لاايمكن يعني مهوب لا يمكن يعني لا يمكن , ممكن بس لا تتوقعون انه بتكون حمايه ميه بالميه و اي واحد يقول لكم ممكن ميه بالميه قول له أشك بكلامك والدليل ان كمثال بس الهوت ميل (بريد الهوت ميل الاكثر انتشار في العالم ) تملكه اكبر شركه بالعالم شركه ميكروسوفت و هذا هي تم اختراقها و يعتبر اختراقها اشهر اختراق حصل بالانترنت.

.
.


انتهى
خطوات بسيطة لحماية جهازك ..للفائدة
منقول للفائدة





o',hj fsd'm gplhdm [ih.; >>ggthz]m








من مواضيع ^Abu Turky^
توقيع ^Abu Turky^
 


[gdwl] ســاهم معــنا وضـــــع بصمتك [/gdwl]
^Abu Turky^ غير متواجد حالياً   رد مع اقتباس