الموضوع: فضفضه
عرض مشاركة واحدة
قديم 03-01-2010, 06:08 PM   رقم المشاركة : [1]
CLassiC
:: شخصيـﮧ هامـﮧ ::

 الصورة الرمزية CLassiC
 




 

مركز رفع الصور والملفات

افتراضي فضفضه


أكثر الأشياء اللي تضيق صدري و تجيب لي االقلق و تخلي الدنيا مقفله معي
.. هي المقارنة بين مجتمعنا و مجتمع ثاني ..

من جد و الله يا جماعة !!
(( اقـول الله مـن خـفة الدم .. كمـل بس )) ..!
.
.
.
[ 1 ]

عندك مثلا نفسيات بعض الناس .. تدخل عليه تلقاه و نفسه في طرف خشمه .
تبادره بالسلام يا لله يرد عليك .. كنك تشحذه سلام ، زين بعد إذا ما قال الله يعطينا و يعطيك
أما إذا صار له عندك حاجة جاك يضحك من بعد كيلو
و يقعد يدعي لك بالخير ساعة .. يعني عالم مصلحجية !! فضفضه
.
.
.
[ 2 ]

تقعد مع أخوياك في البر إذا جا الربيع ، و تقعد على الثيل و أعصابك عال العال ..
وإذا شفت عصفور و قلت لهم ياسلاااام يازين منظر العصافير و السما الصافية فعلا تمازج رائع
قالو لك بلا هبال عطنا الساكتون خل نرجده ..
و تلقاهم مطامر يوم كامل ورا عصفور كبر أصبعي الصغير و إذا حالفهم الحظ و صادوه
شبولك نار كبر بليس ثمن شووه .. ثمن يطبون عليه عشرين واحد
و أخر شي إذا فصفصوا عظامه قالوا لك ياشين لحمته شيناه !!
.
.
.
[ 3 ]

تطلع من المسجد تلقا شايبين يأكلونك بعيونهم ..
تمر من جنبهم وتسلم .. مايردون لك و يستمرون في يطالعون فيك .. تمشي و تخليهم
لكن واحد منهم يقول لك يا ولد .؟!
تقوله سم يا عم .. يقول مهوب أنت ولد فلان بن فلان .
تقوله لا .. يقولك إلا نفس الشكل .. تاخذه على قد عقله و تقوله طيب أنا ولده
ينقز لك الثاني و يقول بلا كذب فلان بن فلان ما يجيه عيال !!
.
.
.
[ 4 ]

تروح للسوق أنت و أمك .. تغفل عنها خمس دقايق ثمن ترجع لها
تلقا بزر ما تقدر تشوفه إلا بمكبر قاعدن يغازل أمك .. ودك تجلده
لكنك تخاف تمسكه و يتكسر في يدك
فتقوله عيب يا بابا اللي تسويه .. فيقولك : ألعب غيرها ، أنا حاجز البنت قبلك !!
تسطره و تلزقه في الجدار ويصير عاقل من ملاحق الحريم و يحول على ملاحق لبناني كبر أبوه !!!
.
.
.
[ 5 ]

ترجع لبيتكم في عز الليول تافلن العافية ، تدور الفراش دورة
تدخل غرفتك تلقى اطفال أخواتك متسدحين على سريرك و نايمين
تجي تبي تنطلهم برا غرفتك .. تطلع لك أمك من بين الظلام و تقولك "
وجع ماعندك قلب ، خلهم ينامون في سريرك الجدا و الله ذا الليلة " تقولها " و أنا وين أنام فيه !!
تقول " هين أنت كبير رح نم في الملحق
تروح تنام في الملحق و ما يجي عقب ثلاث ساعات إلا و بزارين أختك يتناقزون فوق ظهرك
تقوم تجلدهم .. تطلع لك أمهم و تقول " هو وش فيك عليهم
تقولها ذبحوني ما خلوني أنام .. تقولك مالهم دخل المساكين أنا اللي قايلة
لهم يقومونك من النوم عشان توديني لبيتي !!
عاد وقتها ودك تجلد أمهم بكبرها !!
.
.
.
[ 6 ]

تفتح التلفزيون يطلع لك برنامج عن المدارس
و يقولك أن طلاب مدرسة في فرنسا تمكنوا من إعادة تركيب مسبار مصغر
و طلاب في مدرسة كندية تمكنوا من استخلاص الكلور من ملح الطعام ..
و طلاب في مدرسة بلجيكية تمكنوا من تقييم مستوى التلوث في بروكسل
و طلعوا بنتايج قريبة من اللي توصلت لها وزارة البيئة عندهم ..
و عقبها أقعد أفكر يومنا في المدرسة وش أزين تجربة سويناها !؟!
و أطلع بنتيجة أننا ما سوينا إلا تجربة وحده وهي أن الموية في علبة زبادي إذا صبيتها في إناء مسطح تطلع نفس الحجم !!
و اللي قاهرني أننا يالله فهمنا ذا التجربة !!!



tqtqi








من مواضيع CLassiC
توقيع CLassiC
 
أحد يقدر يجي جنبي


CLassiC غير متواجد حالياً   رد مع اقتباس