عرض مشاركة واحدة
قديم 02-25-2010, 12:11 PM   رقم المشاركة : [1]
Hectr
:: مشرف شغف الرياضة والألعاب ::

 الصورة الرمزية Hectr
 





 

مركز رفع الصور والملفات

افتراضي بدوي يغازل بالدمام


بدوي ويغازل بالدمام





أنا شخص أكره ما أشوف الأسواق

ولا أطيقها نهائياً



ولكن في يوم 21 رمضان 1418هـ
كنت جالس في شقة العزوبية بالدمام
وكالعادة سيّر علي الشباب في الشقة
وهم جميعهم من أهالي الدمام
ولكنهم من قبائل وعوائل متفرقة
(وهذه عادة حلوة في الشرقية فالصديق بأخلاقه لا بنسبه)



المهم جوني الشباب بعد التراويح
وجلسوا عندي وكان الجو بارد جداً
وبعد أن سولفنا وضحكنا وسمرنا
قال واحد منهم : وش رايكم شباب نروح لأحد الأسواق ونتمشى ونغازل وووو


فوافقوا على طول . إلا أنا ؟؟!!
قلت والله ماني خويكم ولا ني مفارق دفايتي وفروتي


وحاولوا فيني وقالوا نبي نعشيك ونبسطك ونعطيك اللي تبي
بس أمش معنا ؟!
قلت أبداً ولا تحاولون
وبعد كر وفر وضغوطات منهم
قلت موافق بس بشرط ؟!
قالوا موافقين على كل شروطك . المهم تروح معنا .
قلت عطوني كلمة منكم كلكم أنكم موافقين. قالوا كلهم أي شرط حنا موافقين عليه .
قلت أروح معكم بهئية وبشكلي هذا ؟؟!!
وكنت لابس ثوب شتوي وفروة وداق اللطمة والعقال مايل للأخير .
قالوا : هاه والله هذي ورطة. لأننا نبي نكشخ ونغازل . وشكلك كذا ما يأهل ترقم ولا عنز ؟؟!!


قلت بكيفكم أجل ماني رايح
وأنا بصراحة فرحت مررررة
وفجأة قال واحد منهم ملقوف : موافقين . يا الله أمش .
ورحنا لأحد المجمعات التجارية بالدمام
ويوم جينا قدام البوابة إلا والهيئة واقفين ويمنعون العزاب من الدخول
فقلت: جاك يامهنا ما تمنى وفرحة عشان أبي أرجع من هالإزعاج والزحمة .
قال خوينا الملقوف: أنا أعرف باب من الخلف يدخلون منه الأغراض خلونا ندخل معه .
ورحنا ودخلنا كلنا .
وكان فيه بجانب البوابة دورة مياه(أعزكم الله)


ووقف الشباب يتكشخون ويتضبطون
وأنا على شكلي (المزري)
ودخلنا لداخل المجمع وكان مليااان بالحريم والرجال
وبدينا نتمشى وبدأ الشباب جولتهم وتمشيتهم
وأنا شكلي كان ملفت للإنتباه
تخيلوا معي الشكل : فروه ، وداق اللطمة ، والعقال مايل
لا ... وأمشي والفروة طايرة من وراي ؟!
وكل من شافني قام يضحك .. وبعض (الوغدان) صاروا يلاحقوني
وبعض الناس صار يتلفت يدور الكاميرات (يحسبوني أمثل فلم)


وطلعت للدور الثاني وبعد حوالي الساعة تعبت من المشي..
وخوياي يوم شافوا شكلي ملفت للنظر
صاروا يهجون عني ولا يعطوني وجه


ومن التعب صرت أدور كرسي أبجلس عليه ولا لقيت.
فكل الكراسي كانت مليانه من (الحرمّــا ، والوغادين)
فقلت يا ولد أجلس على الأرض ولا عليك من أحد
(وديرة ما تعرف به ............)
وجلست وكل من مر من عندي صار يلتفت ويضحك واللي يقط نغزات واللي واللي؟؟!!
وصرت اتلفت أدور خوياي ولا حولك أحد
وفجأة شفت الملقوف (وهو أصله من أهل حائل ونمون على بعض أنا وإياه)


وكان كاشخ وصد عني
فقلت له بصوت عالي وقدام الناس : هيه فلان تعال ... ولا أعطاني وجه
قلت هيه فلان ياخي تعال ... لا تسوي نفسك ما تعرفني ياخي أنا وأنت جايين بسيارة وحده


ودور الناس وخاصة الحريم (فقعوا من الضحك)
وكل ما مر واحد من خويا الفلس قلت له نفس الكلام !!!
وعاد شف أنواع الإحراج مع الناس .
وفجأة ما دريت إلا وأثنين من الهيئة واقفين على رأسي وسلموا علي وقالوا: وش عندك هنا ؟!
وشف الورطة عاد ؟؟!!
قلت : أنا جاي مع أهلي وضيعتهم بالسوق ولا أدري وين أروح وجلست على الأرض ؟؟!!
قال واحد منهم : والله شكلك ما هو شكل اللي يغازل . بس رجاء تراك صرت ملفت للإنتباه من كل الناس . فخلص شغلك وأطلع ...
فقمت وقلت : لابوا الأسواق لابو من يطبّها
يا زين وجهي ممسوك بالهيئة بدون سبب ؟؟!!


وطلعت ورحت للسيارة وخذيت لي (غفوة) فوق (الكبوت) ؟؟!!
وما دريت إلا والشباب جايين
ياللي فيك ما لا فيك فشلتنا .. وأحرجتنا .. وما خليتنا نرتاح ووووووو ؟؟؟!!!


قلت والله ما أحد غصبكم تاخذوني معكم


قالوا والله ما عاد ناخذك مرة ثانية
وبغوا يروحون ويخلوني وبحب الخشوم خذوني معهم
قلت هاه بأي مطعم تبون تعشوني ؟؟!!


قالوا والله ما يطب حلقك شي . شين وقوي عين بعد ؟؟؟؟!!!!


وبأسرع ما عندهم ودوني لشقتي
وقبل ما أنزل قلت وش رايكم باكر نروح للسوق ؟!


قــالـــــوا بصوت واحد ومرتفع : إنـقــــــلـــــــــــع






منقووووووول



f],d dyh.g fhg]lhl








من مواضيع Hectr
توقيع Hectr
 
عودة للمنتدى بعد غياب طويـــــــــل..
Hectr غير متواجد حالياً   رد مع اقتباس