الموضوع: ن
عرض مشاركة واحدة
قديم 09-02-2009, 01:48 PM   رقم المشاركة : [1]
ابو دم
:: تكنو ذهبي ::

 الصورة الرمزية ابو دم
 





 

مركز رفع الصور والملفات

3 يبه طلبتك خل خلي متهني


البارحه حبيت اوصل لي هلي رساله واكتب في عنوانها ولدكم الشهيد في ميدان الحب مصوب

جلست وريحة طيب القهوه من صوب *** الذيبان فواح صبولي

من القهوة فنجان نزلت فنجاني وقلت يا *** الذيبان ماترفع لين تقول

تم قال لبيتك وانا ولد ابوي تكلم يا ولدي يلي من صلبي منزوع وش بلاك

قلتله يا يبه ابي هاجسي يتعبر وهاجسي يطلق العبره عبره في

حنايا الروح مقتوله يبه انا معادني بذاك الطفل الي يضحك

وبشقاوته ذابح الخلايق يبه الدمع واقف في محجر العين قفلت جرحي واحسب اني من ج****

شفيت اثر الجرح انقسم شطين شط في الحشا وشط في القلب

يبه الجمعه عقب صلاة العصر بشر الخلايق وقلهم ولدي مات

شهيد في ميدان الحب عند باب قصر الخوالد طريح نيته حامي

عزهم لو كان بي فدوتهم الروح غدروبه وبسهامهم نصوه يبه

هذاني بعد وفاتي جيت اطلبك لاكن اسمع كلام العقل قبل ما

تنصفني من ناس ما اوزنوه هذاني من ايدك تربيت ومن عقلك فهمت كلام الطبايع والوفى

والمراجل اطبقه وهذا هوالي في ناموسي من حكمة الجدتي محكوم يبه حسيت بعد

فرقاه اني من فرقة الروح ملزوم جيتك اعزيك على **** والجثه

خلها لين ما يقول صاحبي انه على خيانتي مبسوط شفني هذي

ملامحي بعد ما كنت الطفل الضحوك شفني يايبه جفيت بعد

ما كنت سيل يسقي اخاديد القلوب يبه علم الغاليه الي لها حروفي

تنحني وكلاماتي تعجز عن وصف غلاها علمها قلها ولدك الي

فحشاكي سكن سنه قاصر ثلاث شهور قلها من طاري ذاك الي

لا طرت طاريها خدودي تحمر مثل حبة الرمان واتبسم وكلي خجل

ياما يا يبه علمتني وقالت شد الهمه ولك مبتغاك قلت لبيه يايمه

دام الهمه لعيون صاحبي فدوه شديتها ولو كان بشقى الروح

بس وش السوات في خلن شديت همتي لجل وصوله وهو شد

همته لجل غدري ولغيري رايح خذيت منك يبه حكمة دفن الدموع

بس العذر والسموحه منك وحده من العين في ليلة رحيل الروح

دمعها على الخد طريح وعين لجل هيبة حكمتك عيت دموعها تطيح

لا تلومني تراي وعزة الجلالة مغصوب كيف ما تبيني اذرف دموعي

على **** الي مع رحيل وليفها راحت يبه فنجاني ماني رافعه

الا عقب ما تلبي طلبي قال لبيتك قلت ثاري لا تاخذوبه خلو خلي

في دنيته متهني دام الخافق هواه خلوه لو من سهامه ارتميت

في حفرتي قتيل هم يبقى غلاه عالي والروح تطلب غاليها لو فهم

بس يا يبه وش كثر كنت ابي اعطيه واعلمه وش كثر خوفي عليه

وحبي له صارت الشفايف تزاعل المسامع لا جاني منه اتصال

الشفايف تبي تقله عن شوقي وتئمنه على **** والمسامع

تبي تسمع اخباره واخر اعلومه بس يا يبه لا عاد الشفايف

صارت تطيق الحكي ولا المسامع صارت تطيق السمع احترت

من اعاتب يوم دربي حذابي عليه اعاتب احساسي ولا الروح

بس الروح دامها راحت في عتابي اعاتب احساسي وفي يوم

الحساب بجازيها يوم بشرني وطمني لي صاحبي وقال هذا مبتغاك

هذا الي عليه الروح تدور عطه روحك امانه وهو بيعطيك روحه

امانه حسافه طلع احساسي كذاب يوم قال هذا غاليك عطيته

**** امانه واحسب روحه عندي امانه قهر طلع خوان ماخذ الروح

لجل يسلي روحه عافيت الاحساس يايبه ولا ابي التفت صوبه

لا جا حكالي عن خلي انه انكوى شوقه لي قلت ابك انك تنقلع قبل

لا اثور فيك لا بارك الله في احساس يخون راعيه سئلته عن مبلغ

الخيانه ضحك وقال المبلغ متعتي قلت اجل لا بارك الله في متعه

تقتل روح راعيها يبه تكفى خلوه متهني في دنيته يبه حبيت اعلمه

سوايا الدنيا ومافهم حكمتي يبه يمكن اني زليت بس انا بشر

اخطي بس بي المقابل اعرف خطاي انا بشر مني معصوم من

زهقة روح جزاتي اني يوم يخطي اسامح واقول هو بشر يخطي

وهم برضه اسامح واقول الكامل وجهه سبحانه يغدربي وش اقول بعد

علمه يبه انه يمكن اغبن في طيشي بس اغدر وابيعه لا والله

ومعزة الغالي اقطع الرقبه قدامه وانت قاطعها من الوريد لا الوريد

ولا ابيعه بس باعني لجل يرضي غروره باعني لجل الدنيا ووسخها

ما درا انه من كثر الخيانات راح يعاني ابوس راسك

يبه انك علمتني حكمة الصبر وان الله يمهل ولا يهمل

بس وصيتي في راسك امانه علم اخواني وربعي خلوه لا تضايقونه

خلوه دامه مرتاح ماني مضايقه ولا تضايقونه دام الروح باقيه لجل

عيونه فدوه خلوه يتهنى عسى راسه سالم انتظرت جوابه ويمكن

يجيني منه جواب بكره ويقول حبيت اشوف غلاي عندك وش كثر

يلعن ابوك مادريت ان غلاك داخل العروق يسري ويغذي الخفوق

بس طبتك قبل لا ارفع فنجاني عزاي لي **** لا جاكم خلي طلب فزعه

لبوه حتى لو رحتو صوب نجمة (الجدي) مشي لبوه حتى لو كنتم

في مرضكم تعانون لبوه هذي وصاتي لكم واحفظوه انا بانتظر من الله

يعنيني يمكن اللقالي رمله صوبها اهاجر واشكي لي الخلا في ليلي

عن صاحبي و تبكي الارض من شكواي ويظهر خضار جديد في ارض قلبي واترك

الكتمان وسنيه وترد الروح لي راعيها

وسلامتكم

الخاطره لي من باطن ذكرياتي : محمد مبخوت المري

وسلامي لكم


dfi 'gfj; og ogd ljikd








من مواضيع ابو دم
توقيع ابو دم
 [BIMG]http://www.3shqnh.com/up/uploads/images/3sh-abdbaf1e56.jpg[/BIMG]

التعديل الأخير تم بواسطة ابو دم ; 09-02-2009 الساعة 03:22 PM.
ابو دم غير متواجد حالياً   رد مع اقتباس